Filloi shtegtimi i Françeskut në Sarajevë. Avioni, me të cilin shtegtoi, u nis nga Roma në orën 7.50 për të arritur në Sarajevë një orë më pas. Është shtegtimi VIII apostolik i Atit të Shenjtë, i dyti në Ballkan, pas Shqipërisë.
“Paqja qoftë me ju”!”: motoja e shtegtimit Papnor, spikat kudo në vendin e shtegtimit, për të treguar se në qendër të tij janë temat e pajtimit të një vendi me udhë të vështirë historike.
Veprimtaria e parë, takimi i mirëseardhjes në pallatin presidencial, me tre anëtarët e presidencës si dhe me autoritetet e vendit. Më pas, kremtimi i Meshës në të njëjtin stadium, ku pati kremtuar edhe Gjon Pali II, me 60 mijë vende e një mori veprimtarish të tjera
Kujtojmë se më 4 qershor, në përfundim të procesionit të Corpus Domini, Papa shkoi në Bazilikën e Shën Marisë së Madhe, ku u gjunjëzua para figures së mrekullueshme të Zojës “Shpëtimi i Popujve Romakë”, së cilës ia besoi shtegtimin në Sarajevë.
All the contents on this site are copyrighted ©. |