Кардинал Паролин за посетата на Папата на Сараево

Зборувајќи за посетата на Папата на главниот град на Босна и Херцеговина кардинал Пиетро Паролин, Папски државен секретар, рече дека Светиот Отец во прв ред сака да ги охрабри верниците католици кои живеат во Босна и Херцеговина и сето она што промовира пријателство, братство, меѓурелигиски дијалог и мир меѓу луѓето – истакна кардиналот, додавајќи:

За тоа зборуваат и логото и мотото на апостолското патување: гулабот држи во клунот маслиново гранче, крстот со тријаголник ги симболизира границите на Босна и Херцеговина, боите се државното знаме и потсетуваат на католичката заедница чии членови во најголем дел се Хрвати. Мотото на патувањето пак гласи: „Мир вам“, а воскреснатиот Исус така ги поздрави своите апостоли – објасни Папскиот државен секретар.

На прашање каква папата Фрањо ќе ја најде Босна и Херцеговина рече дека последиците на војната се највидливи во католичката заедница, од предвоените 800 илјади во Босна и Херцеговина останале околу 400 илјади католици. Во некои парохии се останати многу малку верници, младите заради невработеноста претежно се иселуваат, а паѓањето на наталитетот е забалежан особено во католичката заедница – рече кардиналот и се обиде да ја објасни несфатливата политичка структура на Босна и Херцеговина.

На прашање за состојбата на Католичката Црква рече дека Црквата и покрај многу тешкотии е верна на своето послание навестување на Евангелието на сите луѓе. Папата епископите на Босна и Херцеговина кога беа во посета ad Limina ги поттикна да помагаат на сиромашните и да се обидат да го запрат иселувањето на младите, да се заземаат за создавање на услови за вработување и социјална сигурност. Папата сака Црквата во сложеното општество да биде жив квасец – истакна кардинал Паролин.

На забелешка дека и ова патување е во знакот на мирот и соживотот помеѓу народите кардиналот рече дека е многу важно сите луѓе во Босна и Херцеговина да бидат еднакви за да можат да се чувствуваат полноправни граѓани, а тој е основниот услов за мир. Во таа смисла Босна и Херцеговина би можела да биде пример за другите земји во светот каде што не се прифаќа различноста и постојано се војува. Се надеваме дека ова патување на Папата ќе придонесе за подобрување на политичката атмосфера во земјата и ќе ги поттикне луѓето на пронаоѓање на причина за мир, помирување и општа благосостојба – заврши кардинал Паролин.

РВ/Д.И.