“Kemi reflektuar mbi familjen, e shkojmë përpara mbi këtë temë: që sot katekizmat
tanë hapen me një reflektim mbi aspektet e brishtësisë, aspektet e lëkundshme që ka
familja, në kushtet e jetës që e vënë në vështirësi”. Kështu tha Papa Françesku në
audiencën e përgjithshme në sheshin e Shën Pjetrit në Vatikan. Në kuadrin e sinodit
të rregullt që do të mbahet në tetor të ardhshëm mbi familjen, Papa Françesku ka filluar
prej muajsh një cikël të katekizmit kushtuar familjes. “Familja ka shumë probleme
që e vënë në vështirësi, sot fillojmë nga njëra prej këtyre vështirësive e sprovave,
që është varfëria”.
“Lufta është gjithmonë një gjë e tmerrshme, godet në mënyrë veçantë popullsitë civile,
familjet. Lufta është nëna e të gjitha varfërive: një makinë shirëse të jetëve e të
shpirtrave”, tha Papa Françesku në katekizmin e audiencës së sotme të përgjithshme,
duke denoncuar “indiferencën tonë” para këtyre dramave, të cilat përkundrazi duhet
ta “rrisin turpin tonë”.
All the contents on this site are copyrighted ©. |