Militantët e të ashtuquajturit Shtetit Islamik, kanë marrë nën kontroll qytetin
e lashtë Palmira, e kështu në Siri rritet shqetësimi për vendet tjera të afërta arkeologjike,
që janë trashëgimi kulturore e UNESCO-s. Kështu, një javë pas rënies së Ramadit, në
Irak, tani nën kontrollin e ISIS ra edhe qyteti strategjik Palmira, që çon drejt zonës
perëndimore të Damaskut e Homs, në drejtim të lindjes së Irakut. Qeveria siriane pranon
se ka tërhequr trupat pro-qeveritare nga qyteti arkeologjik, pasi u sigurua evakuimi
i pjesës dërrmuese të banorëve të Palmirës.
Drejtori i Departamentit sirian për antikitetin njoftoi se qindra statuja të lashta
nga Palmira janë zhvendosur në një vend të sigurt, duke i shpëtuar nga shkatërrimi,
por monumentet e mëdha nuk mund të zhvendosen. SHBA-së janë duke shqyrtuar opsionet
e ndryshme për të ndalur valën shkatërrimtare të IS, ndërkohë u kanë dërguar ndihma
ushtarake trupave irakiane. Armatimi anti-tank amerikan
do të ndihmojë në të ardhmen në ndaljen e sulmeve të tilla, prandaj Uashingtoni përshpejtoi
dërgimin e armëve, edhe në saje të marrëveshjes së arritur, me kryeministrin e Irakut,
gjatë vizitës së tij, në muajin prill, në Shtëpinë e Bardhë.
All the contents on this site are copyrighted ©. |