Imzot Palmieri mbi Kuvendin Kombëtar të Kishës në Shqipëri

Në qershor, Kisha Katolike në Shqipëri mblidhet në asamblenë e saj të përgjithshme për të diskutuar e programuar strategjitë e ungjillëzimit të ri. Rruga 20 vjeçare e përshkuar që nga rënia e komunizmit do të jetë në qendër të reflektimeve të ipeshkvijve, meshtarëve, rregulltarëve e laikëve për të parë nëse janë të fortë gurët  e vënë në bazë, që kalaja e mëvonshme të ngrihet më e shëndetshme përpjetë. Se si ka ndryshuar Shqipëria në këtë periudhë e cilat janë argumentet e Kuvendit të qershorit, na flet në studio, në mikrofonin e Klaudia Bumçit, ipeshkvi i Rrëshenit, imzot Cristoforo Palmieri…