''Մեծ խորհուրդ. Ընտանիքի աւետարանը'' ծրագիրի ներկայացում։

(Ռատիօ Վատիկան) Շաբաթ 16 Մայիս 2015-ի առաւօտեան ժամը 11,30-ին, Ս. Աթոռի մամլոյ գրասենեակին մէջ, մամուլին կը ներկայացուի ''Մեծ Խորհուրդ. Ընտանիքի Աւետարանը` ժամանակակից մարդկութեան դպրոց'' ծրագիրը որ նախաձեռնութիւնն է  Ընտանիքի քահանայապետական խորհուրդին եւ երաժշտագէտ ու հռչակաւոր երգիչ Անտրէա Պոչչելլին։

Ծրագիրը կը նախատեսէ շարք մը ներկայացումներ, արտադրուած  Միլանոյի ''CitySound & Events'' հաստատութեան կողմէ, որոնք պիտի գործադրուին Եւրոպայի զանազան քաղաքներու մէջ, որպէս խորհրդածութիւններ` Ընտանիքի նուիրուած տարւոյն առթիւ։

Ծրագիրին ներկայացումին իրենց միջամտութիւնը կը բերեն, Գերապայծառ Վինչենցօ Փալիա, նախագահը ընտանիքի քահանայապետական խորհուրդին, երաժշտագէտ Անտրէա Պոչչելլի եւ կարդինալ  Լուիս Մարթինէս Սիսթաք` առաջնորդը Պարչելլոնայի թեմին, ուր պիտի գործադրուի ծրագիրի առաջին ներկայացումը` ''Sagrada Família'' Սուրբ Ընտանիքի մայր տաճարին մէջ։