Papa Françesku: të rinjtë të edukohen në vlera të vërteta të sportit

“Edukoni të rinjtë në vlera autentike të sportit, jo rivalitetit tepër të ndezur e jo agresivitetit. Prandaj ruani vlerat e vërteta të sportit, duke mos lejuar që ato të zvetënohen nën nxitjen e shumë interesave sidomos ekonomike, sot po depërtojnë gjithnjë më shumë”. Kjo është thirrja që bënë Papa Françesku, në mesazhin e tij, drejtuar pjesëmarrësve të simpoziumit ‘Trajnerët edukatorë të personave’, organizuar nga seksioni i Kishës e sportit pranë Këshillit Papnor për laikët.
“Prania e një trajneri të mirë-edukator – pohon Papa Françesku – tregohen sidomos në vitet e adoleshencës e rinisë së parë, kur personaliteti është zhvillim të plotë e në kërkim të modeleve të referimit e të identifikimit”, kur “është më konkret rreziku i hutimit pas shembujve të këqij e në kërkim të lumturive mashtruese”. “Në këtë fazë delikate të jetës – nënvizon Papa – përgjegjësia e një trajneri është e madhe, i cili ka shpesh privilegjin të kalojë shumë orë në javë me të rinj e të ketë ndikim të madh mbi ta me sjelljen e tij dhe me personalitetin e tij. Ndikimi i edukatorit, sidomos për të rinjtë, varët më shumë nga ajo që ai është dhe jeton si pëson, se sa nga ajo që thotë”.
Prandaj, vëren Papa – është shumë më rëndësi “që një trajner të jetë shembull integriteti, koherence, paanësie, por edhe shembulli i gëzimit në jetë, i durimit, i aftësisë së vlerësimit e nxitjes si dhe mirësisë ndaj të gjithëve e në mënyrë të veçantë ndaj atyre që janë nevojtarë”. Po kështu, “është më rëndësi të jetë edhe shembull feje” sepse feja “na ndihmon ta çojmë vështrimin drejt Hyjit”.