2015-05-12 09:03:00

Ֆրանչիսկոս Պապը բացումը կը կատարէ Միջազգային Քարիթասի 20-րդ վեհաժողովին։


(Ռատիօ Վատիկան) Երեքշաբթի` 12 մայիս 2015-ի յետմիջօրէի ժամը 5,30-ին, Ֆրանչիսկոս Սրբազան Քահանայապետը Սուրբ Պետրոսի մէջ կը գլխաւորէ սուրբ պատարագի արարողութիւնը բացումը կատարելով  ''Քարիթաս Ինթերնացիոնալիս - միջազգային Քարիթասի'' լիանիստ 20-րդ ժողովին, որ տեղի կ՛ ունենայ Հռոմի ''Տոմուս Մարիէ'' պանդոկին մէջ, 12 -17 Մայիսին եւ որուն բնաբանն է ''Մէկ մարդկային ընտանիք, հոգ տանիլ արարչութեան''։

Ժողովները կը նախագահէ Միջազգային Քարիթասի նախագահ` Կարդինալ Օսքար Ռոտիրկէս Մարատիական, որ ութը տարիներ ետք կը պատրաստուի թողուլ իր պաշտօնը եւ որ 20-րդ վեհաժողովի աշխատանքներու բացումը կը կատարէ 13 մայիսին, մինչ  14 մայիսին նախատեսուած են նոր ընտրութիւններ։ ։

Նիստերու ընթացքին պատգամաւորները, որ ժամանած են աշխարհի զանազան վայրերէն, ներառեալ Հայաստանէն, պիտի քննարկեն  ազգային 164 քարիթասներու գործընթացը ու պիտի ծրագրեն յառաջիկայ 4 տարիներու գործունէութեան ուղեգիծը։ ։ 








All the contents on this site are copyrighted ©.