Ֆրանչիսկոս Պապը բացումը կը կատարէ Միջազգային Քարիթասի վեհաժողովին։

(Ռատիօ Վատիկան) Յառաջիկայ 12 մայիս 2015-ի յետմիջօրէի ժամը 5,30-ին, Սուրբ Պետրոսի մէջ մատուցած սուրբ պատարագով, Ֆրանչիսկոս Պապը բացումը կը կատարէ Քարիթաս Ինթերնացիոնալիս - միջազգային Քարիթասի լիանիստ 20-րդ ժողովին, որ տեղի պիտի ունենայ Հռոմի մէջ` 12 -17 Մայիսին եւ որուն բնաբանն է ''Մէկ մարդկային ընտանիք, հոգ տանիլ արարչութեան''։ Ժողովները կը նախագահէ Միջազգային Քարիթասի նախագահ` Կարդինալ Օսքար Ռոտիրկէս Մարատիական, որ ութը տարիներ ետք կը պատրաստուի թողուլ իր պաշտօնը։ 14 Մայիսին տեղի պիտի ունենան նոր ընտրութիւններ։

Ընդհանուր Ժողովէն ետք ժողովականները պիտի փոխադրուին Միլանօ` մասնակցելու համար Էքսփօ2015-ի քարիթասի պաշտօնական օրուան։