(Ռատիօ Վատիկան) Յառաջիկայ 14 Մայիսին (Տիրոջ համբարձման
տօնին օրը ), Վատիկանի մէջ տեղի կ՛ունենայ համերգ մը աղքատներու հետ եւ աղքատներուն համար
որուն կէտնպատակն է` օգնութեան հասնիլ Քահանայապետի բարեսիրական մարմիններուն, ինչպէս
նաեւ բարեպատեհ առիթ ընծայել ի սպաս աւետարանութեան։
Համերգին իրենց գործօն մասնակցութիւնը պիտի բերեն Հռոմի թեմի երգչախումբը եւ Սալերնօ
քաղաքի նուաքախումբը։
Վերոյիշեալ յայտագրով կը նախատեսուի մեծարել ''աստուածային կատակերգութիւնը''` Տանթէ
բանաստեղծին ծննդեան 750-րդ տարեդարձը։
Համերգը` կազմակերպուած է առաքելական մատրանապետութեան ու նոր աւետարանութեան քահանայապետական
խորհուրդի կողմէ։ Եօթը հազար աթոռ ընդունող Պօղոս Զ սրահին մէջ, երկու հազար աղքատի նախապատուութիւն
պիտի տրուի։
Կարդինալներն ու եպիսկոպոսները պիտի նստին ընչազուրկներու ետեւը։
‘’Այդ ընչազուրկներուն մէջ կը տեսնենք Յիսուսը եւ այդ պատճառաւ նախապատուութիւն պիտի
տանք անոնց’’ ըսած է առաքելական մատրանապետութեան փոխ նախագահ` գերապայծառ Diego Giovanni
Ravelli, մատնանշելով որ 2014-ին ֆրանչիսկոս Քահանայապետը ութը հազար նամակ ստացած է
ընչազուրկներէն եւ մատրանապետութիւնը կարողացած է անոնց բաշխել 1,5 միլիոն եւրօ։
Նշենք որ համերգը անվաճառ է եւ ամէն անհատ կարող է երաշխաւորել իր աթոռը հետեւեալ կայքէջի
միջոցաւ` www.corodiocesidiroma.com.
Համերգին աւարտին նախատեսուած է ազատ նուիրատուութիւն։
All the contents on this site are copyrighted ©. |