Իրան Ամերիկեան նաւ մը գրաւեց
Միացեալ Նահանգներու արտաքին գործոց նախարար Ճոն Քերրի յայտնեց. «Միացեալ Նահանգներ եւ մնացեալ հինգ մեծ տէրութիւնները ներկայիս աւելի մօտ են, քան երբեւիցէ` Իրանի հետ համաձայնութեան մը, որ վերջ պիտի տայ Թեհրանի հիւլէական ծրագիրին շուրջ 12-ամեայ տագնապին»:
Միւս կողմէ, «Արապիյա» արբանեակային պատկերասփիւռի կայանը հաղորդեց, որ իրանեան ուժ մը գրաւած է ամերիկեան բեռնատար նաւ մը եւ զայն առաջնորդած Պանտար Ապպաս նաւահանգիստ` նշելով, որ նաւուն վրայ կը գտնուին ամերիկացի 34 նաւաստիներ: Փենթակոն հաստատեց լուրը:
Իրանեան «Ֆարս» լրատու գործակալութիւնը հաղորդեց, որ Իրան նաւը գրաւած է իրանեան շրջանային ջուրերը բռնաբարելուն համար:
| All the contents on this site are copyrighted ©. |