Светиот Отец: Треба да го наследуваме Добриот Пастир

Папата рече дека Неделата на Добриот Пастир секоја година нè повикува на повторно откривање – и со ново чудење – дефиницијата која Исус ја дал за себе, повторно читајќи ја во светлината на својата мака, смрт и воскресние: Добриот пастир си ја полага душата своја за овците; (Ив 10, 11). Овие зборови во потполност се остварени во часот кога Христос во доброволната послушност на волјата на Отецот на крстот го положил својот живот. Сега е потполно јасно што значи дека Тој е Добриот Пастир: го дал својот живот како жртва (вина) за нас. За тебе, за тебе, за тебе и за мене – за сите. Тој е Добриот пастир! – рече папата Фрањо.

Христос е вистински Пастир Кој го остварува највозвишениот модел на љубов кон своето стадо: Тој својот живот слободно го дава; никој не му го одзема (ред 18) туку Тој за овците го полага (ред 17) – истакна Папата. Во јасна спротивност со лажните пасири, Исус се претставува како вистински и единствен пастир на народот. Злиот пастир мисли на себе и од овците зема; Добриот пастир мисли на овците и за нив се дава самиот себе. За разлика од наемникот, Христос Пастирот е внимателен водач кој учествува во животот на своето стадо и не бара друг интерес, нема други амбиции освен да ги води, пасе и штити своите овци и сето тоа преку највисоката цена – цената на сопствениот живот.

Во ликот на Исус Добриот Пастир ја воочуваме Божјата провидност, неговата татковска грижа за секој од нас. Нè не пушта сами! – истакна Папата. Последица на ова контемплација на Вистински и Добар Пастир е трогателниот восклик кој го наоѓаме во второто читање на денешната Литургија: „Гледајте каква љубов ни дал Отецот“ (1Ив 3,1). Навистина таа е изненадувачка и таинствена љубов, бидејќи дарувајќи ни Го Исус како пастир Кој за нас го дава сопствениот живот, Отецот ни го дарувал сето она најголемо и најскапоцено што можел да го даде! Таа е највозвишена и најчиста љубов, бидејќи не е поттикната од некоја потреба, не е условена со некаква сметка, ниту со некаква желба да и се возврати. Пред таква Божја љубов стекнуваме искуство на бескрајна радост и се отвораме за признанието на она што бесплатно сме го примиле.

Но, да го гледаме и да се заблагодаруваме не е доволно – Добриот Пастир треба и да го наследуваме. Посебно оние кои во Црквата имаат послание за управување и водство – свештениците, епископите, папата; повикани се да го усвојат – не менталитетот на менаџерот – туку менталитетот на слугата – во наследувањето на Исус Кој – оплеменувајќи се самиот себе – спасува со своето милосрдие. На овој начин на живот на Добриот пастир, повикани се исто така и новите свештеници на Римската бискупија кои имав радост утрово да ги ракоположам во базиликата Свети Петар – рече папата Фрањо.

Нека Пресвета Марија мене, епископите и свештениците во целиот свет ни измоли милост за служење на светиот народ Божји со радосно навестување на Евангелието, славење на светите Тајни со срце и трпеливо и кротко пасторално водство.

По молитвата Царице небесна папата Фрањо ја изрази својата близина со погодените од силниот земјотрес во Непал и во пограничните земји. Молам за настрданите, за ранетите и за сите оние кои трпат заради ова несреќа. Нека наидат на поддршка на братска солидарност. Да ја молиме Богородица да биде со нив – рече Светиот Отец – молејќи Радувај се Маријо.

Денес во Канада за блажена е прогласена Марија Елиза Турдеон основателка на Сестрите на нашата Богородица од Пресветата Бројаница свети Герман: примерна монахиња, посветена на молитвата, на поучувањето во малите центри на својата бискупија како и дела на милосрдие. Да му заблагодариме на Господ за ова жена пример за Богопосветен живот и великодушно заземање во служба на ближниот.

Како и обично, Светиот Отец на крајот ги поздрави различните групи поклоници од Рим, Италија и странство и на сите се препорача во молитвите.

РВ/Д.И.