2015-04-27 17:07:00

Kosova, strategji që parandalon ekstremizmin dhe radikalizmin


Nën kujdesin e Zyrës së Kryeministrit dhe me përkrahjen e Misionit të OSBE-së në Kosovë, sot dhe nesër do të zhvilloj punimet tryeza për Parandalimin e Ekstremizmit të Dhunshëm dhe Radikalizmit që shpie në Terrorizëm.
Këshilltari për Siguri Nacionale i Kryeministrit, Edon Myftari, hapi forumin duke falënderuar pjesëmarrësit, përfaqësuesit e bashkësive fetare, organizatat ndërkombëtare dhe misionet diplomatike, institucionet vendore, etj. 
Myftari theksoi që fenomeni i terrorizmit dhe radikalizmi kanë prekur Kosovën si çdo vend tjetër në botë dhe se në këtë kontekst, Qeveria e Republikës së Kosovës ka marrë për prioritet nacional hartimin e një strategjie që parandalon ekstremizmin dhe radikalizmin.
“Për të arritur sukses do të nevojitet bashkëpunim i ngushtë i të gjithë aktorëve, si atyre të sigurisë si policia dhe inteligjenca, po ashtu edhe i shoqërisë civile, mediave, dhe të gjitha bashkësive fetare në vend. Qeveria e Republikës së Kosovës, është e përkushtuar që të jetë në një hap me aleatët e saj si SHBA-të dhe BE-ja në luftën ndaj këtij fenomeni negativ dhe destruktiv sepse edhe prioritet ka sigurinë nacionale dhe sundimin e ligjit në përgjithësi”, u shpreh Myftari. Prishtinë, 27 prill 2014  nga Qendra për Informim e Kosovës








All the contents on this site are copyrighted ©.