(Ռատիօ Վատիկան) 24 Ապրիլ 2015, համայն աշխարհի հայերը կ՛ոգեկոչեն Հայոց ցեղասպանութեան հարիւրամեակը։ Այս առթիւ հայ աւետարանական համաշխարհային խորհուրդը աղօթքի կոչ մը ուղղած է որպէսզի Թուրքիան ճանչնայ Հայոց ցեղասպանութիւնը, ներում խնդրէ ու դուռը բանայ հաշտութեան։
ֆրանսայի բողոքական դաշնակցութիւնը իր կարգին զօրակցութիւն յայտնած է եւ ողջունած սոյն նախաձեռնութիւնը, իր կարգին հաւատացեալներէն խնդրելով որ այդ դիտաւորութեան համար աղօթեն, մատնանշելով որ Հայաստանը առաջինը եղաւ որ ընդգրկեց քրիստոնէութիւնը որպէս Պետական կրօն` 301 թիւին։ Անիկա ժողովուրդ մըն է շատ կառչած իր արմատներուն ու քրիստոնէական հաւատքին։
Վերապատուելի François Clavairoly նախագահը ֆրանսայի բողոքական դաշնակցութեան հրաւիրեց հաւատացեալները որ կիրակի` 26 Ապրիլի ծիսակատարութեան ընթացքին աղօթեն վերոյիշեալ դիտաւորութեան համար։
All the contents on this site are copyrighted ©. |