Të ndalet vuajtja e dhuna: Kjo është thirrja dramatike e Këshillit të krerëve të
komuniteteve të ndryshëm të krishtera të qytetit sirian Halep, të cilët përmes një
komunikate i kërkojnë bashkësisë ndërkombëtare t’i japë fund tragjedisë humanitare
që po konsumohet në qytetin sirian.
Mjaft me vrasje, shkatërrime e shkretime. Të ndalet shitja e armëve. Ky është rënkimi
i Kishave të krishtera, të cilat kërkojnë nga bota shpëtimin e qytetit sirian martir,
Halep, që në afërsi të Pashkëve ortodokse, më 12 prill, është bombardua pareshtur.
Gjendja në këtë qytet është keqësuar shumë, denoncon për Asia News, vikari apostolik
latino-katolik i Hapelit, imzot Georges Abou Khazen, i cili thotë se “jemi dëshmitarë
të një përshkallëzimi ushtarak” përballë popullsisë civile, të krishterë e myslimanë,
që “është sfilitur nga këto akte të tmerrshme dhune”. Ndeshjet me armë nuk kursejnë
as shtëpi, as shkolla, as kishë e as organizata humanitare, lagjet e të krishterëve
janë bombarduar me armë të rënda. Ditëve të fundit kemi pasur me dhjetëra viktima
të krishtera, denoncon akoma imzot Abou Khazem, e numri i viktima rritet gjithnjë
më shumë. Kemi vajtuar vdekjen e dhjetëra martirëve të çdo feje e komuniteti, shkruajnë
ipeshkvijtë, të cilët kërkojnë të jetojnë në paqe, si qytetarë të ndershëm së bashku
me bijtë e tjerë të Sirisë.
All the contents on this site are copyrighted ©. |