Papa Françesku priti sot paradite në Audiencë Presidentin e Gjeorgjisë, Giorgi
Margvelashvili, i cili më pas u takua edhe me zëvendës-sekretarin e Selisë së Shenjtë
për Marrëdhëniet me Shtetet, imzot Anntoine Camilleri. “ Gjatë bisedimeve të përzemërta
– njofton Salla e Shtypit e Vatikanit – u vlerësua përforcimi i marrëdhënieve bilaterale
dhe u thelluan disa tematika me interes të përbashkët, me një vëmendje të veçantë
ndaj kontributit pozitiv të Kishës lokale të vendit në fushën e aktivitetit humanitar
e atë të edukimit. Në vijim të bisedimeve, u shpreh shqetësimi për tensionet që interesojnë
rajonin dhe u nënvizua rëndësia e respektimit të plot të legalitetit ndërkombëtar.
Të dy palët urojnë që çdo zgjidhje e krizës të kërkohet përmes negociatave paqësore
ndërmjet Palëve të interesuara. Së fundi, u theksua edhe puna që Gjeorgjia ka bërë
kohëve të fundit për afirmimin e rolit të saj në kontinentin evropian”.
Papa Françesku i dhuroi Presidentin Margvelashvili një medalje me figurën e Shën Martinit
që e mbulon një të varfër me mantelin e vet. Është kjo një dhuratë – tha Papa Françesku
– që më pëlqen t’ua dhuroi kryetarëve të Shteteve sepse janë të thirrur prej Zotit
t’i mbulojnë të varfrit e t’i mbrojnë popujt e tyre.
All the contents on this site are copyrighted ©. |