27 сакавіка 2015 г. ватыканская газета апублікавала тэксты разважанняў да набажэнства
Крыжовага шляху, якое адбудзецца 3 красавіка ў Вялікую Пятніцу ў рымскім Калізеі з
удзелам папы Францішка. Іх аўтарам з’яўляецца Біскуп Навары на пенсіі Рэната Корці.
“Крыж – гэта яскравае сведчанне Божай любові, якая нас ахоўвае. Мы таксама пакліканы
быць абаронцамі любові”, - так іерарх сфармулаваў галоўную думку медытацый у інтэрв’ю
Ватыканскаму радыё. У іх закранаюцца тэмы: пераследу хрысціян, сям’і, пакутаў сучаснага
чалавека, эксплуатацыі дзяцей. Асобна гучыць тэма смутку Хрыста, Які пайшоў на смерць
за параненыя адзінотай, пагардай, абыякавасцю, нянавісцю і хлуснёй душы.
Біскуп Корці, разважаючы над асобай Маці Божай, звярнуў увагу на ролю жанчын і іх
прысутнасць у Касцёле, і даверыў Марыі сучасную сям’ю і наступны Сінод, прысвечаны
ёй.
All the contents on this site are copyrighted ©. |