Միջազգային աղօթքի հսկում Հռոմի Տիրամօր աւագ Պազիլիքային մէջ

(Ռատիօ Վատիկան) “Evangelium Vitae - Կեանքի Աւետարանը'' շրջաբերական թուղթի 20-րդ տարեդարձին առթիւ։

Կազմակերպութեամբ  Ընտանիքի քահանայապետական խորհուրդին, Կեանքի Աւետարան շրջաբերական թուղթի հրատարակութեան 20-րդ տարեդարձին առթիւ,  երեքշաբթի 24 Մարտ 2015-ին, տեղի կ՛ունենայ աղօթքի հսկում ''Salus Populi Romani - Հռոմի ժողովուրդի փրկութիւն'' Աստուածամօր նուիրուած եկեղեցւոյ մէջ։

Աղօթքի հսկումի յայտագիրը կը նախատեսէ երեք հանգրուաններ` ժամը 17-ին ընդունելութիւն  եւ բարի գալուստի խօսք։ Ժամը 18-ին ս. Վարդարանի մարեմեան աղօթք, հուսկ ժամը 19-ին հանդիսաւոր ս. պատարագ  հանդիսապետութեամբ գերապայծառ Փալիայի` նախագահը ընտանիքի քահանայապետական խորհուրդին։

Աղօթքի հսկումին իրենց մասնակցութիւնը պիտի բերեն ֆաթիմայի, Լուրտի եւ Կուատալուփի Մարեմեան սրբավայրերու ուխտաւորները։ Աղօթքի հսկումը պիտի պատկերասփռուի ուղիղ եթերով. Իտալիայէն` Խաղաղութեան  ձայն եւ  TV2000 կայանները, ամերիկեան կաթողիկէ գլխաւոր հեռուստատեսիլները եւ ֆրանսական կաթողիկէ հեռուստատեսիլը։