Nuk due mà që rrugët e mija
T’jenë të vrashta prosì hija,
Por përkundra t’i përciellë
Nalt prej qielle i bukuri Diell.
Dhe kah t’shkojë,
Le t’ndriçojë
N’ballin tim,
Rrezja e kjartë
Dhe e artë
E shejtit pagëzim.
O shpirt i im, deh zgjoju mà,
O zemër m’jep sa mà shum zà,
Që t’kendojë sod e përgjithmonë
Lavd e nderë tuj dhanë Zotit tonë!
Dhe ka t’shkojë
Do të bekoj
Ty, o Zot,
Sepse je
Mshrir plot’,
Ti për ne!
Mons Nikollë Mini, në “Zani i Zojes Cernagore” vjeti II Prizren Marc, Prill 1963 Nr 4
All the contents on this site are copyrighted ©. |