“Ruaje zemrën!”: me Papën, drejt Pashkëve. Vajimi

 Në Rubrikën e sotme “Ruaje zemrën!”: me Papën, drejt Pashkëve, njihemi me Sakramentin e Vajimit.

Shfletojmë librecin kreshmor e lexojmë se Vajimi…:

“…Të pajis me një hir të posaçëm, që e bashkon më thellësisht të sëmurin me Mundimet e Krishtit, për të mirën e tij e të mbarë Kishës, duke i dhënë ngushëllimin, guximin e edhe ndjesën e mëkateve, nëse i sëmuri nuk ka mundur të rrëfehet. Ky  Sakrament, në dashtë Zoti, mund të krijojë edhe mundësinë për rifitimin e shëndetit. Në rast nevoje, kjo shujtë përgatit të sëmurin për shtegtimin drejt shtëpisë së Atit qiellor”.