«Ռոյթըրզ» լրատու գործակալութիւնը հաղորդեց, որ Լիպիոյ մայրաքաղաք Թրիփոլիի մէջ ականահարուած
է Իրանի դեսպանատունը: Մարդկային վնասներ չեն արձանագրուած: ՏԱՀԵՇ ստանձնեց գործողութեան
պատասխանատուութիւնը: Միւս կողմէ, Իրան հաստատեց ամերիկեան լրատուամիջոցներուն ամիսներ
առաջ հաղորդած այն լուրը, որ ամերիկեան «Պոյինկ» ընկերութիւնը իսլամական յեղափոխութենէն
30 տարի ետք առաջին անգամ ըլլալով «Իրան Էր»-ի հետ կնքած է 3 համաձայնագիրներ, որոնց
հիմամբ Թեհրան ստանձնած է ամերիկեան ընկերութեան կողմէ վերանորոգուած օդանաւի 7 շարժակներ: