Ուկրանացի եպիսկոպոսներուն հնգամեայ կանոնական այցելութիւնները սուրբ Պետրոսի յաջորդին. Ուկրանիան` Հակիրճ տեղեկութիւններ։

(Ռատիօ Վատիկան) Ուկրաինայի տարածութիւնը կը հաշուէ 603.500 քմ քառակուսի, նախքան Խրիմի կորուստը։
Ուկրաինան հիւսիսէն և հիւսիս արևելքէն սահմանակից է Ռուսաստանին, հիւսիս արևմուտքէն՝ Պիելոռուսիային, արևմուտքէն՝ Լեհաստանին, Սլովաքիային և Հունգարիային, հարաւ արևմուտքէն՝ Մոլտավիային, հարաւէն և հարաւ արևելքէն համապատասխանաբար Սև ծովին և Ազովի ծովին։

Ուկրանիայի բնակչութիւնը կը հաշուէ շուրջ 45.377, 581 միլիոն։ Ուքրանացիները կը ներկայացնեն երկրին 77,8 % (երկրի բոլոր շրջաններուն մէջ Ուքրանացիները կը կազմեն մեծամասնութիւնը, բացի Խրիմի Ինքնավար Հանրապետութեան և Սևաստափոլիէն։ Ռուսներ կը կազմեն երկրին 17,3 %, իսկ հայերը 0,2 %։
Ուկրանիոյ սահմանադրութիւնը կ’ երաշխաւորէ հաւատքի ազատութիւնը։ Բնակչութեան բացարձակ մեծամասնութիւնը, աւելի քան 88 %, կը դաւանին քրիստոնէութիւնը, որ տարածուած է երկրին մէջ X-XII դարերու ընթացքին։ Ուքրանացի քրիստոնեաներու հիմնական մասը ուղղափառ են, կաթողիկէները (մօտ 1 միլիոն) կը բնակին յատկապէս Արևմտեան Ուկրանիայի մէջ։ Մահմետականները կը ներկայացնեն բնակչութեան 1,4 տոկոսը` ազգով թաթարներ եւ կ՛ապրին խրիմի մէջ։

Ուկրանիայի կաթողիկէ եկեղեցւոյ կառոյցը
Ուկրանիայի կաթողիկէ եկեղեցին, կը ներկայացնէ բնակչութեան 10 տոկոսը։ Ունի երկու մարմիններ` Արեւելածէս եւ Լատինածէս Քիեւի աւագ եպիսկոպոսապետութիւնը` եպիսկոպոսական սիւնհոդոսը, որու մաս կը կազմեն.
առաջին` բիւզանդական ծէսի կաթողիկէները` որուն նախագահն է գերերջանիկ Սվիաթոզլաւ Շեվչուք Արքեսպիկոպոսը։
Երկրորդ` լատիններու եպիսկոպոսական դասը որուն նախագահն է գերապայծառ Միչիզլաւ Մոքրզիչքի։
Ուկրանիայի հանրապետութեան մօտ Սուրբ Աթոռի Առաքելական դեսպանն է գերապայծառ Thomas Edward GULLICKSON Ուկրանիայի բիւզանդածէս նուիրապետութիւնը ունի ութը արքեպիսկոպոսական թեմեր։ Մինչ լատին նուիրապետութիւնը ունի 7 եպիսկոպոսներ։ Վերոյիշեալ թեմերուն աւելցնելու ենք Լէապոլսոյ Հայերու Աւագ Թեմը որ կախեալ է Սուրբ Աթոռէն եւ որուն աթոռը թափուր մնացած է 1938է ի վեր, ինչպէս նաեւ Բիւզանդական ծէսի թեմը։