Papa Bergoglio: kontributi i Kishës në respektimin e laicizmit të Shtetit
Papa Françesku vë në dukje kontributin e Kishës në respektimin e laicitetit të Shtetit,
pa harruar autonominë e jetës tokësore. E bën këtë në mesazhin, drejtuar besimtarëve
brazilianë, me rastin e Fushatës së 52-të kreshmore të Vëllazërimit, organizuar nga
Konferenca ipeshkvnore e Brazilit, me temë: “Vëllazërim: Kisha e shoqëria”. Bergoglio,
në mesazh, i nxit të gjitha realitetet të japin ndihmesën, që u takon: “Secili duhet
ta bëjë pjesën e vet, duke nisur nga shtëpia e tij, nga puna e tij, nga njerëzit me
të cilët lidhet e bashkëpunon çdo ditë. E konkretisht, duhet të ndihmojmë më të varfrit
e më nevojtarët”. Dje paradite, njofton një notë e Vatikanit, Papa priti në audiencë
Ricardo Lewadovski-n, kryetar i Gjykatës së Lartë Federale të Brazilit.