E Mërkura e Përhime: Françesku kryeson procesionin dhe Meshën në Aventin
Papa Françesku do të niset në orën 16.00 nga Shtëpia e Shën Martës, për të arritur
në orën 16.30 në Bazilikën e Shën Anselmit, në Aventin, për Stacionin kreshmor dhe
procesionin pendestar drejt Bazilikës së Shën Sabinës. Atje, në orën 17.00, do të
kremtojë Meshën Shenjte me ritin e bekimit të hirit dhe të përhimjes. Në përfundim
të kremtimit eukaristik, në Kurien e Përgjithshme aty pranë, Papa do të takohet me
bashkësinë rregulltare të Domenikanëve. Rreth orës 19.00, rikthimi në Vatikan.
Tradita e stacioneve kreshmore romake, shumë e lashtë, kremtohet çdo vit në një nga
bazilikat ku ruhen reliket e martirëve, që përbëjnë themelet e Kishës së Romës e që,
pavarësisht nga kalimi i viteve, nuk i humbasin kurrë vlerat. Kujtohen, kështu, ata
që e dëshmuan Krishtin duke derdhur gjakun e tyre për Të, kujtesë që e nxit çdo të
krishterë të përtërijë lidhjen e tij me Ungjillin. Natyrisht në qendër të kremtimit
është riti simbolik i kësaj dite, përhimja, dhe fjalët që e shoqërojnë. Rijehon, prandaj,
në të gjitha kishat e botës, ftesa për t’u kthyer në rrugën e Zotit e për t’i besuar
Ungjillit, gjë që na nxit t’ia hapim gjithnjë shpirtin fuqisë së hirit hyjnor. E
tani, më hollësisht, të hyjmë në domethënien e Kohës së Kreshmëve, përmes bisedës
radiofonike me dom Marian Palokën: