Անապատը շատ կարեւոր դիրք մը ունի Սուրբ Գիրքին մէջ, որովհետեւ նպատակ չէ քրիստոնեաներուս
համար բայց պայման մըն է ատկէ ելլելու: Անապատին կը վերագրին Աստուծոյ ճանաչման կարեւորութիւնը
քանի որ հրեաները ստիպուեցան անապատէն անցնելու իրենց գերութենէն ազատուելու համար, եւ
անոր մէջն է որ կը կատարուի փրկչագործութեան պատմութիւնը, որուն հետ Աստուած ուզեց որ
իր Իսրայէլի ժողովուրդը անցնի այն դժնդակ հողէն՝ մտնելու համար խոստացուած երկրին մէջ: Աւետարանին
մէջ յաճախ կը տեսնենք Յիսուսը որ անապատ կը նախընտրէր երթալ իր Հօր հետ աւելի մտերիմ
ձեւով խօսելու եւ աղօթելու. այսպէսով անապատը դարձաւ Աստուծոյ հետ հանդիպումին նախընտրուած
տեղը: Ինչ՞ու համար անապատը դարձաւ կարեւոր տեղ մը Սուրբ Գիրքին մէջ: Որովհետեւ մեզի
կը հասկցնէ էական եւ խորունկ տեղը՝ Աստուծոյ չքաւորութիւնը: Վաղուայ անվստահութիւնը եւ
հեռու ապագային տեսարանները որուն կ'ուղղեն դէպի անոր որ պիտի ըլլայ մեր Փրկիչը: Այս
անցքով մենք կը մտնենք Քառասնորդացի շրջանին մէջ, մեր առջեւ ունենալով անապատին պատկերը
որ մեզի պիտի տանի խորունկ աղօթքի եւ ապաշխարութեան եւ ծոմապահութեան: Օր մոխրոցը
մեզ կը հրաւիրէ դէպի յառաջ երթալու մեր հոգեւոր կեանքին մէջ եւ դառնալու դէպի մեզի, մեր
էութեան եւ անձնական կեանքին: Հոն է որ կը գտնուի մեր վերադարձը դէպի անապատ եւ նոր պահեր
ապրելու նորոգուած նուիրումին Աստուծոյ: Այո սիրելիներ, մեր անապատին մէջն է որ Աստուած
կը դառնայ մեզի կրթիչը եւ տէրը մեր կեանքին: Մենք կը գտնուինք շուարած դիրքերու մէջ՝
անգոհութիւն, չքաւորութիւն, տարակոյս, տխրութիւն, հիւանդութիւն, առանձնութիւն: Այս վայրկեաններուն
մէջն է, որ Աստուած մեզմէ կը սպասէ որ Քրիստոսի վերադառնալու եւ ապաշխարութեան բռնելու
եւ մանաւանդ Սուրբ Գիրքին հաւատալ» ինչպէս որ կ'ըսէր Բենադիկտոս Սրբազան Քահանայապետը:
Մեր սրտերը բանանք եւ պատրաստ ըլլանք ընդունելու այս շնորհալի առիթը Քառասնորդացի, ուշադրութիւնը
դնելով ապաշխարութեան եւ ներողամտութեան վրայ: Մոխիրը մեր գլխուն վրայ դնելով ընդունինք
որ մեծ գայլ մը ընելու ենք անցնելու այս անապատէն, հաւատքի աչքով անցնինք դէպի նոր աշխարհ
որովհետեւ պայման մըն է հասնելու իսկական ուրախութեան եւ արքայութեան, միշտ մեր սրտերը
լեցնելով յոյսով եւ աղօթքով: Այս մոխիրով մենք կը խորասուզուինք Աստուծոյ սրտին մէջ,
եւ մեզի կը յիշեցնէ այն աւետումը որուն միջոցաւ մենք ունեցանք շնորհքը քրիստոնեայ անունը
կրելու: Թող այս տարուայ Քառասնորդացը բանայ մեր առջեւ նորանոր հորիզոններ, մեզի օգնելու
որ լաւագոյն ձեւով եւ ուրախութեամբ մտնենք արքայութեան ճանապարհին մէջ: Եկեղեցին այսօր
մեզի կ'ըսէ. «Օն յառաջ, վստահութիւն ունեցիր Աստուծոյ վրայ, աղօթէ, ապաշխարէ եւ բարիք
ըրէ որպէսզի դուն ալ ունենաս անապատի ուրախութիւնը»: Ամէն: Հայր Գէորգ Ծ. Վրդ Ասատուրեան