Danimarkë: të krishterë e myslimanë, së bashku në dhimbje
Anëtarët e grupit të kontaktit ndërmjet myslimanëve e të krishterëve, përbërë prej
njerëzve të zgjedhur nga bashkësitë myslimane e kishat e krishtera daneze, “u tronditën
thellë nga ngjarjet e Kopenhagës”. E shprehin shqetësimin shpirtëror përmes një komunikate,
botuar të nesërmen e atentatit, që i kushtoi jetën dy njerëzve. Në sulmin e parë,
kundër një takimi mbi blasfeminë, për kujtim të masakrës në redaksinë e gazetës satirike
franceze Charlie Hebdo, në Østerbro, mbeti i vrarë një nga pjesëmarrësit; në të dytën,
pak orë më pas, pranë sinagogës në qendër të qytetit, humbi jetën një nga rojet e
ndërtesës së kultit hebraik. Sulmet, atentat kundër njerëzimit “Viktimat
dhe familjet e tyre janë në mendimet tona e në lutjet tona”, lexohet në mesazhin,
rimarrë nga agjencia Sir, që e inkurajon bashkësinë e Danimarkës “për solidaritet”.
Si të krishterë, e kemi për zemër demokracinë dhe të drejtën e mledhjes, për të shkëmbyer
opinione e për ta praktikuar fenë tonë, pa frikë se mund të humbasim jetën. Dokumenti
i quan sulmet “atentate kundër njerëzimit”. Duke kujtuar se të dyja palët besojnë
në një Zot të vetëm, që fton për pajtim, anëtarët e grupit të përbashkët shkruajnë
akoma: “Jemi të gjithë bijtë e Abrahamit e duhet ta ndihmojmë e ta mbështesim njëri-tjetrin.
Prandaj e ndjejmë si një trup i vetëm dhimbjen për humbjen e dy njerëzve në Østerbro
e në familjen hebreje”.