Կարդինալական դասի նոր կազմը։

(Ռատիօ Վատիկան) Քսան նոր կարդինալներու ստեղծումով կարդինալական դասը ունեցաւ 227 կարդինալներ, որոնցմէ 125-ն Քահանայապետ ընտրելու իրաւունքով կարդինալ` մինչ 102-ը վաստակաւոր եւ ոչ ընտրող կարդինալ։
Նոր նշանակուած Կարդինալներէն չորսն կրօնաւորական միաբանութեան մը կը պատկանին եւ անոնց ստեղծումով Ֆրանչիսկոս Քահանայապետը իր քահանայապետութեան շրջանին նշանակած կ՛ըլլայ 39 նոր կարդինալներ, 19-ն անցեալ տարի (2014-ին) եւ 20-ը այս տարի` 2015։
Եւրոպական ցամաքամասը ունի ամենէ մեծաթիւ կարդինալները 118- ը, որուն կը յաջորդէ հիւսիսային ամերիկան` 27 կարդինալ եւ հարաւային ամերիկան իր 26 կարդինալներով։ Ասիայի ցամաքամասը ունի 22 կարդինալ, Ափրիկէն 21, կեդրոնական ամերիկան 8 եւ Ովկիանեան 5։