Koncistori. Françesku: kardinali është njeri i dashurisë së krishterë e i shpresës
Dinjiteti kardinalor nuk është “dekorativ”, sepse kush u thirr, duhet të ketë vetëm
një fjalë-udhëheqëse: dashurinë e krishterë. Kështu iu drejtua Papa Françesku 20 kardinajve
të rinj, të krijuar gjatë Koncistorit, kryesuar sot paradite në Bazilikën e Shën Pjetrit.
Në kremtim merrte pjesë edhe Papa i nderit, Benedikti XVI.
Kësula e kuqe nuk
është stoli e vënë mbi kokën e njeriut, që drejton, por simbol i atij, që thirret
për një shërbim më të madh. Të madh, sa dashuria e krishterë, që mbron drejtësinë,
që është e rrëmbushur me dashamirësi, përplot me shpresë, gati për të falur. Njeri,
që nuk ka dashuri tjetër, veç Kishës, së cilës i shërben si një Krisht tjetër e Papës,
që e ndihmon si vëlla. Nuk jeni stoli Papa Françesku e vuri veten dhe
20 kardinajtë e rinj - 19 të pranishëm në Bazilikë, me një mungesë të vetme, atë të
kardinalit kolumbian nëntëdhjetëvjeçar Pimiento Rodriguez - para identikitit të të
krishterit të përsosur, ashtu siç e përshkruan Shën Pali në “Himnin e dashurisë”.
Prej këtij Himni, sidomos, nënvizoi Ati i Shenjtë, kardinali mëson si duhet të jetë.
E më pas, Papa vijoi përshkrimin e figurës së kardinalit të vërtetë, duke realizuar
gati-gati një përkufizim të dinjitetit kardinalor, i cili…: “… është natyrisht
dinjitet, por jo titull nderi. E thotë vetë emri ‘kardinal’ që të kujton fjalën ‘cardine”,
themel e menteshë, pra jo diçka plotësuese, dekorative, që të bën të mendosh për nderimin,
por një shtyllë, një pikë mbështetjeje dhe lëvizjeje, themelore për jetën e bashkësisë”. Duani,
pa kufij Ceremonia nisi e vijoi me solemnitet të madh, pa duartrokitje, jo
pse mungonte entuziazmi, por pse ndjehej më shumë se kurrë nevoja për t’u përqëndruar
plotësisht në lutje, në heshtje të plotë. Para elterit, më të majtë, në mes të gjysëm
rrethit të kuq të kardinajve, qe ulur Papa Benedikti, i veshur me të bardha. Françesku
u nis nga “Himni i Dashurisë”, për të numëruar virtytet e veçanta, që ka një zemër,
e cila rreh me ritmin e dashurisë për Kishën. Duke nisur nga shpirtmadhësia e dashamirësia: “Sa
më shumë zgjerohet përgjegjësia në shërbim të Kishës, aq më shumë duhet hapur zemra,
duke u zgjeruar sipas masës së Zemrës së Krishtit. Shpirtmadhësia, në një farë mënyre,
është sinonim i katolicitetit: e kjo do të thotë të dish të duash pa kufij, por njëkohësisht,
me besnikëri ndaj situatave të veçanta e me gjeste konkrete. Të duash gjithçka është
e madhe, pa harruar kurrë edhe atë, që është e vogël; t’i duash gjërat e vogla, në
horizontin e të mëdhave (…). Të dish të duash me gjeste dashamire. Dashamirësia është
vullneti i patundur e i përhershëm për të dashur të mirën, gjithnjë e për të gjithë,
edhe për ata, që nuk na duan” . Interesi juaj të jetë e mira e të gjithëve
Dashuria, përveç tjerash, është e durueshme, është e mirë dashuria; nuk është smirzezë
dashuria, nuk mburret, nuk fryhet. Tundime, kujtoi Papa, nga të cilat nuk përjashtohen
as dinjitarët kishtarë. E pastaj nuk mungon në respekt, nuk kërkon leverdinë e vet,
nuk zemërohet, nuk e mban mend të keqen që i kanë bërë!... (1 Kor 13, 1.4-5).
Në këtë rast problemi lind në atë njeri që, vërejti Françesku, përqendrohet mbi vetveten
aq, sa të mos e përfillë fare dinjitetin e të tjerëve: “Kush e vë veten në qendër,
shikon, natyrisht, vetëm interesin e vet. E kjo i duket si diçka krejt normale, madje
si detyrë. Ky “interes” mund të mbulohet pas ndjenjave të fisme, por nën to fshihet
gjithnjë interesi vetjak. Ndërsa dashuria e krishterë të shpërqendron nga vetvetja
e të vë në qendrën e vërtetë, që është vetëm Krishti. Atëherë mund të jesh njeri,
që di të respektosh e të shikosh kryesisht të mirën e të tjerëve”. Dashuria e krishterë
është tepër kërkuese, sepse buron nga dashuria e plotë e Krishtit për ne: është dashuri
që ngulmon, që na pret, na përqafon, na mbështet deri në tronditje, pse e detyron
secilin nga ne të mos jetojë më për vetveten, i mbyllur në egoizmin e tij, por për
‘Atë që vdiq e u ngjall për ne”(cfr 2 Kor 5,15). Zoti na shpëtoftë
nga mllefi Transparent, Papa Françesku, kur vuri theksin mbi dashurinë, që
nuk zemërohet, nuk e mban mend të keqen, që i kanë bërë!.. Natyrisht, pranoi, bariut,
i cili jeton ndërmjet njerëzve, nuk i mungojnë rastet për t’u zemëruar. E akoma më
shumë, nuk i mungojnë në marrëdhëniet me vëllezërit, sepse ne nuk mund të shfajsohemi
aq lehtë. Por edhe këtu, pohoi, është dashuria e krishterë e vetëm dashuria e krishterë,
që na çliron: “Na çliron nga rreziku për të reaguar në mënyrë të papërmbajtur,
për të bërë e për të thënë gjëra të gabuara, e, sidomos, na çliron nga rreziku vdekjeprurës
i mllefit të fshehur, që ‘klloçit’ përbrënda, që të nxit ta mbash mend të keqen e
bërë. Jo! Kjo është e papranueshme për njeriun e Kishës. Nëse mund të falet një çast
zemërimi, që shpërthen pa dashje e shuhet sakaq, nuk mund të themi të njëjtën gjë
për mllefin, që ndryhet në zemër. Zoti na shpëtoftë e na çliroftë prej tij”. Njerëz
të faljes e të shpresës Njeriu, që është plot me dashuri të krishterë, nuk
kënaqet për padrejtësinë, gëzohet vetëm për të vërtetën, tha në vijim Françesku, duke
theksuar se kush është i Zotit, magjepset nga e vërteta, që e gjen në korpin e Krishtit.
Komenti përfundimtar ishte mbi katër virtytet e dashurisë së krishterë, që fal gjithçka,
gjithçka beson, shpreson e duron:“Dashuria e Krishtit, e dikuar në zemrat tona nga
Shpirti Shenjt, na krijon mundësinë të jetojmë kështu, të jemi kështu: njerëz të aftë
për të falur gjithnjë; për të besuar gjithnjë, sepse, plot me besim në Zotin; të aftë
për të ngjallur gjithnjë shpresë, sepse plot me shpresë në Zotin; njerëz, që dinë
të mbartin me duresë çdo situatë e çdo vëlla e motër, në bashkim me Jezusin, që mbarti
me dashuri barrën e të gjitha mëkateve tona”. Gjatë Koncistorit të sotëm, Papa
u dorëzoi 20 kardinajve të rinj kësulën, unazën dhe titullin përkatës të diakonisë.