Սուրբ Վարդանանց զօրավարների և 1036 վկաների յիշատակութեան օր:
Այս անուան տակ Հայ Եկեղեցին ճանաչում է Ե դարի երկրորդ կէսի ճիշտ սկզբին` 451 ին, Աւարայրի
մեծ ճակատամարտի մէջ ընկած նահատակներին, ովքեր կռուեցին պարսիկ զօրութեան ու ենթակայացան
դէմ, քրիստոնէութիւնը և Հայ ազգը պաշտպանելու համար։ Հ Յանուն հաւատի և վասն հայրենիքի
առաջ սլացող այս մարտիկների հայրենասիրութիւնը հայ ազգային է, իսկ հաւատը հակաքրիստոնէական,
վկայութիւն իրենց նահատակութեամբ յանուն ճշմարիտ քրիստոնէական հաւատի։ Այս բոցաշունչ
հաւատն է որ իւրաքանչիւր ժամանակ հայ ազգի ճգնաժամային պահերին թշնամու արհաւիրքների
դէմ հանում էր պանծալի սրբեր և նահատակներ։ Նախապէս պարսից լծի տակ կեղեքուող Հայ ազգի
ձուլումից խուսափելու համար Քրիստոնէական ճշմարիտ հաւատը դէմ հանեց հայ դասական գիրը
Սահակ Մաշտոցեան շրջանին և ապա հանեց սուրը՝ Վարդանանց շրջանին։ Քրիստոսադաւան Հայ Եկեղեցին
այլևս հայ ազգային ինքնութեան խարիսխն էր դարձել և մեր նախնիները համոզուած էին դրանում։
Ուստի անհուն խանդավառութեամբ նախարար, զօրավար, հոգևորականութիւն և պարզ ժողովուրդ ոտքի
ելան և կատարեցին իրենց պարտականութիւնը` կենաց ու մահու գործ դարձած հաւատի և ազգի պաշտպանութիւնը։ Այս
կրօնական և ազգային վկայաբանութեան աննման յիշատակութիւնը այսօր մեզ համար հոգևորի և
սրբութեան մեծ ներշնչում է, մանաւանդ այս տարում երբ յիշատակում ենք Հայոց Ցեղասպանութեան
հարիւրամեակը։ Անկեղծ, հաւատաւոր, բարի, Աւետարանական կենդանի հոգով լեցուած այս սրբասուրբ
նահատակների վկայութիւնը հայի սրտին խօսող մեծագոյն շարժառիթն է ամրանալու Քրիստոսի
եկեղեցում և միասնական ազգային ոգին պահպանելու։ Յիշենք շարունակ այս վկաների և
մէկ ու կէս միլիոն նահատակներին ոչ միայն վսեմ ու փառապանծ բառերով, այլ պահպանելով կրօնական
ու ազգային նկարագիրը , քանզի մեր նախնիք յանուն այս սրբութիւնների և սկզբունքների մինչև
անգամ մեռնելու պատրաստ և գիտակից էին։ Նարեկ Սրկ. Մնոեան