Kisha e shën Piut X rrezikon të shkatërrohet. Flet don Giuseppe de Guglielmo
Dje, ju informuam mbi rrezikun që kisha e shën Piut X dhe Qendra baritore katolike
e Elbasanit, për të cilat kujdesen orioninët, të shkatërrohen. Problemi është i zakonshëm
në Shqipëri: toka i është shitur Kishës Katolike nga shteti shqiptar menjëherë pas
komunizmit, kur shteti ishte pronar i tokës, pavarësisht se ia kishte shpronësuar
pronarit të vjetër. Jo vetëm kaq, por autoritetet i kanë dhënë Kishës lejen për
ndërtim, me anë të së cilës janë ngritur kisha e shën Piut X dhe Qendra baritore,
e cila nuk u shërben vetëm katolikëve, por gjithë popullsisë. Në vitin 2007, pronari
i truallit kërkon tokën e problemi shkon në gjyq, deri në vendimin e 5 shkurtit të
Gjykatës së Kasacionit, e cila i kthen truallin pronarit, të lirë nga ndërtesat. Pra
kisha dhe qendra duhen shkatërruar. Sot, i telefonuam përgjegjësit të bashkësisë
orionine në Elbasan, don Giuseppe de Guglielmo, i cili e sqaron më tej çështjen, që,
sipas Marrëveshjes së Selisë së Shenjtë me shtetin shqiptar, duhet të zgjidhet
me një Komision të përbashkët…