Papa Françesku do t’i flasë Kongresit amerikan më 24 shtator
Më 24 shtator të këtij viti, Papa Françesku do t’i flasë Kongresit të SHBA-ve në
Uashington, në një asamble të të dyja Dhomave. Lajmi u dha nga zëdhënësi
i Kongresit, John Boehner, dhe u konfirmua nga Salla e Shtypit e Selisë së Shenjtë.
Françesku do të jetë Papa i parë që do të flasë në Capitol Hill. “Në një çast
pështjellimi global – pohoi Boehner – mesazhi papnor për mëshirë dhe dinjitet njerëzor
mallëngjen njerëz të të gjitha feve dhe origjinave. Mësimet e tij, lutjet dhe shembulli
i tij i madh na sjellin ndërmend se gjërat e thjeshta janë bekim e na kujtojnë detyrimet
tona të ndërsjella”. Në udhëtimin e tij në SHBA-të, Ati i Shenjtë do të shkojë edhe
në Nju Jork e Filadelfia, ku do të kremtohet Takimi Botëror i Familjeve.