Dy fjalë për jetëshkrimin e kardinajve të rinj: imzot Luigi de Magistris
Imzot Luigi de Magistris, Kryeipeshkëv-Titullar i Novës, Pro-Pendestar i Madh nderi,
lindi në Cagliari, më 23 shkurt 1926. U shugurua meshtar më 12 prill 1952, me inkardinim
në Kryediqezën e Cagliari-t. Kreu studimet filozofike e teologjike në Universitetin
Papnor Lateranens. Nga viti 1952 ushtroi shërbesën kishtare në Kryedioqezën e tij,
me detyra të ndryshme. Nga 1 tetori 1958 shërbeu pranë Selisë së Shenjtë si sekretar
i Universitetit Lateranens. Nga shkurti 1959, pranë Kongregatës për Doktrinën e
Fesë, si ndihmës-noter një herë, si hartues përmbledhjesh filozofike, teologjike
e juridike, më pas. Në shkurt 1969 u transferua si minutanteal (funksionar i Kancelarisë
vatikanase, i ngarkuar me përpilimin paraprak të letrave, brevave etj.) pranë Këshillit
për Punët Publike të Kishës. Nga 2 maji 1979 ishte drejtues i Pendestarisë Apostolike. Më
6 mars 1996 u emërua Ipeshkëv titullar i Novës, për t’u shguruar më 28 prillin e mëpasëm. Më
22 nëntor 2001 u emërua Pro-Pendestar i Madh, detyrë që vijoi ta kryente deri më 7
tetor 2003. Ka qenë edhe Këshilltar i Kongregatave për Kultin Hyjnor dhe Disiplinën
e Sakramenteve, të Çështjeve të Shenjtorëve, të Ungjillëzimit të Popujve, të Klerit
e të Komisionit Papnor “Ecclesia Dei”.