Çështja e klimës, në bisedimet e Papës me presidentin e Kiribatit
Papa Françesku priti sot në audiencë presidentin e Republikës së Kiribatit 1, Anote
Tong, i cili më pas u takua edhe me sekretarin e Shtetit të Shenjtërisë së Tij, kardinalin
Pietro Parolin, shoqëruar nga imzot Paul R. Gallagher, sekretar për Marrëdhëniet me
Shtetet.“Gjatë bisedimeve të përzemërta, njofton një komunikatë e Sallës vatikanase
të Shtypit, u theksua më shumë çështja e mbrojtjes së ambientit dhe ajo e ndryshimeve
klimaterike, pasojat negative të të cilave mbi vendin, ashtu si edhe mbi vendet e
tjera, janë vërtet shqetësuese”.Lidhur me këtë, u shpreh dëshira që, me rastin e COP-21,
Konferencës së Parisit kushtuar klimës, parashikuar për dhjetorin e ardhshëm, “bashkësia
ndërkombëtare të marrë masa të përbashkëta edhe efikase për ta përballuar këtë sfidë”. 1
Republika e Kiribatit- shtet i pavarur ishullor në Oqeanin Paqësor