Папа заклікаў спыніць “жахлівае братазабойчае насілле” ва Украіне
Святы Айцец у чарговы
раз заклікаў да спынення ваенных дзеянняў ва Украіне. “Мае думкі зноў скіроўваюцца
да ўмілаванага народу Украіны. Нажаль, сітуацыя пагаршаецца і супрацьстаянне паміж
бакамі ўмацоўваецца. Памолімся, перш за ўсё за ахвяр, сярод якіх шмат мірных жыхароў,
і за іх сем’і, і папросім Пана, каб як мага хутчэй спынілася гэта жахлівае братазабойчае
насілле”, - сказаў Папа 4 лютага 2015 г. на заканчэнне агульнай аўдыенцыі ў ватыканскай
Зале Паўла VI. Пантыфік звярнуўся з заклікам “прыкласці ўсе намаганні, у тым ліку
на міжнародным узроўні, дзеля аднаўлення дыялогу – адзінага магчымага шляху да вяртання
міру і згоды” на “шматпакутнай зямлі” Украіны.
“Браты і сёстры, калі я чую
словы “перамога” або “параза” адчуваю вялікі боль, вялікі смутак у сэрцы. Гэта не
правільныя словы, адзінае правільнае слова – гэта “мір”. (...) Я думаю пра вас, украінскія
браты і сёстры... Падумайце, гэта вайна паміж хрысціянамі! Вы маеце адзін і той жа
хрост! Вы змагаецеся як хрысціяне з хрысціянамі. Падумайце пра гэта шаленства. Давайце
ўсе будзем маліцца, таму што малітва - гэта наш пратэст перад Богам падчас вайны”,
- сказаў Папа.
Сённяшні заклік Францішка стаў чарговым за пошнія месяцы. Так,
25 студзеня 2015 г. падчас сустрэчы з вернікамі на малітве “Анёл Панскі” на плошчы
св. Пятра ён запрасіў бакі канфлікту “пакласці канец ўсім ваенным дзеянням”. Трэба
адзначыць, што ў апошнія тыдні сітуацыя ў рэгіёне рэзка абвастрылася па прычыне актыўных
баявых дзеянняў. Паведамляецца шматлікіх смяротных ахвярах сярод мірнага насельніцтва.