Françesku: etërit, të pranishëm, por jo kontrollues, i qortojnë fëmijët, pa i poshtëruar
Etërit duhet të jenë të pranishëm në familje, por jo vetëm për t’i kontrolluar fëmijët.
Këtë pohoi Françesku në audiencën e sotme të përgjithshme, mbajtur në Sallën e Palit
VI. Papa shtjelloi një reflektim të dytë kushtuar figurës së atit, pas atij të së
mërkurës së kaluar. E nënvizoi se etërit duhet të jenë durimtarë e zemërgjërë, por
njëkohësisht duhet t’i qortojnë fëmijët me vendosmëri.
Etërit, të pranishëm
në familje. Një doracak, për të qenë baba i mirë në familje. Këtë skicoi
Papa gjatë këtij katekizmi, duke kujtuar shembullin e Shën Jozefit, atit të Familjes
së Nazaretit dhe disa nga shprehjet, që i gjejmë në Librin e Fjalëve të Urta, me
të cilat babai i drejtohet, me shumë dashuri, të birit. “Por gjëja e parë e nevojshme
është që babai të jetë i pranishëm në shtëpi”. Ati duhet të presë, të falë e
të qortojë, pa poshtëruar Ati duhet të jetë i pranishëm, por jo thjesht për
të kontrolluar, sepse etërit e tillë nuk i lënë fëmijët të rriten. Duhet t’i ngjasin
babait të shëmbëlltyrës së djalit plangprishës: “Të jenë të durueshëm, të presin
e të luten me duresë, ëmbëlsi, dhimbsuri, mëshirë. Një atë i mirë di të presë e të
falë. Por edhe të qortojë vendosmërisht, pa u treguar i ligshtë, ta mbrojë fëmijën,
pa e kursyer”. Ati duhet të veprojë e të flasë me urti e drejtësi Një
atë i mirë, reflektoi Papa, nuk i thotë kurrë të birit: “Jam krenar për ty, sepse
je krejt si unë”. Jo, i thotë diçka tjetër, më të rëndësishme: “Jam krenar sa herë
të shikoj se vepron me urti, e do të prekem thellë, sa herë të flasësh me drejtësi.
Këtë dëshiroj të të lë trashëgim; urtinë e drejtësinë. Ati i urtë, i pjekur Ja
si i flet ati birit, kujtoi në vijim Papa: “Të bëra të ndjesh një dashuri të thellë,
e njëkohësisht, të përmbajtur, që ndoshta nuk e kuptove plotësisht, kur ishte i ri
e i paqartë. Të dhashë dëshminë e rreptësisë e të vendosmërisë, që ndoshta nuk arrite
ta marrësh vesh, kur dëshiroje vetëm përkrahje e mbrojtje”. M’u desh të të vija
në provë, për të gjetur rrugën e mirëkuptimit. Tani, kur shikoj se edhe ti përpiqesh
të jesh si unë me bijtë e tu, prekem thellë në shpirt. Më bën të lum mendimi se jam
babai yt. Këtë thotë një atë i urtë, i pjekur. Kisha i ndihmon etërit e familjet Një
atë, shtoi Papa, e di mirë sa kushton transmetimi i kësaj trashëgimie: sa afërsi,
sa ëmbëlsi e sa vendosmëri. Por, komentoi, sa ngushëllim e shpërblim merr, kur fëmijët
e nderojnë këtë trashëgimi. Nëse ndokush mund ta shpjegojë me fund Atynën, që na
e mësoi Jezusi, vijoi Françesku, ky është pikërisht ai, që e jeton thellësisht atësinë.
Pa hirin e ardhur nga Ati që është në qiell, shtoi, etërit e humbasin guximin, e braktisin
fushën e betejës. Prandaj Kisha angazhohet ta ndihmojë me të gjitha forcat praninë
e mirë e bujare të etërve në familje: “Sepse ata janë për breznitë e reja rojtarë
e ndërmjetës të pazëvendësueshëm të besimit në mirësinë, të besimit në drejtësinë
e në mbrojtjen e Zotit, si Shën Jozefi”.