Пантыфік: “Аушвіц” – заклік да будавання будучыні на павазе, міры і сустрэчы
“Аушвіц” з’яўляецца
крыкам страшэннага болю і цярпення і заклікам да будучыні, пабудаванай на павазе,
міры і сустрэчы паміж народамі”, адзначыў папа Францішак у сваім твіт-паведамленні,
скіраваным з нагоды 70-годдзя вызвалення канцэнтрацыйнага лагеру “Аушвіц-Біркенаў”,
якое адзначалася 27 студзеня 2015 г. Памятныя мерапрыемствы прайшлі на тэрыторыі былога
лагера смерці пры ўдзеле каля 40 лідэраў розных краін свету, а таксама амаль 300 былых
зняволеных. У рамках святкавання вызвалення вязняў концлагера адбыліся міжрэлігійная
і экуменічная малітвы, а ў якасці прадстаўніка Папы ў мерапрыемствах прымаў удзел
арцыбіскуп Кракаўскі, кардынал Станіслаў Дзівіш.
У часы ІІ Сусветнай вайны
ў комплексе канцэнтрацыйных лагераў “Аўшвіц-Біркенаў” былі забіты каля 1,1 млн. чалавек,
пераважна яўрэяў. У 1947 г. на яго тэрыторыі быў створаны музей, а дзень вызвалення
вязняў лагераў, 27 студзеня, быў абвешчаны ААН Міжнародным днём памяці ахвяр Халакосту.