Kremtimet kryesuar nga Papa ndërmjet shkurtit e prillit
Koncistori dhe ritet e fillimit të Kreshmëve, me ushtrimet shpirtërore në Ariccia,
në shkurt. Vizita në Napoli e Pompei, në mars. E së fundi, Triditshi i Pashkëve, ngarkuar
me veprimtari, pasuar nga Solemniteti i Ngjalljes së Krishtit dhe mesha në ritin armen,
më 10 prill: janë këto, disa nga takimet më të rëndësishme të Papës Françesku gjatë
tre muajve të ardhshëm, shpallur zyrtarisht nga mjeshtri i Kremtimeve papnore, imzot
Guido Piermarini. Koncistori e famullia Muaji shkurt do të hapet më
2,nëFestën e Paraqitjes së Zotit, në përkim me Ditën e 19-të Botërore
të Jetës Rregulltare. Mesha do të kremtohet në Bazilikën e Vatikanit, duke nisur nga
ora 17.30, me pjesëmarrjen e Instituteve të Jetës Rregulltare e të Shoqërive të Jetës
Apostolike. Vjen, më pas, e Diela V e kohës së zakonshme gjatë vitit, 8 shkurt:
Papa do ta kremtojë në famullinë romake të “Shën Mëhillit Kryeengjëll në Pietralata”,
duke nisur nga ora 16.00. Gjashtë ditë më pas, të shtunën, më 14 shkurt, në
Bazilikën e Vatikanit, duke nisur nga ora 11.00, Papa do të hapë Koncistorin e zakonshëm
publik për krijimin e 20 kardinajve të rinj dhe për disa Çështje shenjtërimi. Me kardinajtë
e rinj, më 15 shkurt,e Diela VI e Kohës së zakonshme gjatë vitit kishtar,
do të kryesojë Meshën në Bazilikën e Shën Pjetrit, duke nisur nga ora 10.00. Fillimi
i Kreshmëve dhe ushtrimet shpirtërore Më 18 shkurt, e Mërkura e Përhime, Kisha
do të jetojë fillimin e Kreshmëve.Sipas traditës, kremtimi papnor do të mbahet
në Bazilikën e Shën Anselmit, me procesionin pendestar, duke nisur nga ora 16.30,
për të vijuar në Bazilikën e Shën Sabinës, në orën 17.00, me Meshën Shenjte, bekimin
e përhimjen. 22 shkurti, e Diela I e Kreshmëve, është dita e fillimit të ushtrimeve
shpirtërore për Kurien Romake. Ushtrimet do të mbahen në Ariccia e do të përfundojnë
më 27 shkurt. Vizita në Napoli e Pompei Më 8 mars,e Diela
III e Kreshmëve, Papa do të jetë për vizitë baritore në famullinë romake të “Të Shëlbuemit”,
në një nga lagjet periferike të Romës, Tor Bella Monaca, duke nisur nga ora 16.00. Pas
liturgjisë pendestare të datës 13, ora 17.00, në Shën Pjetër, takimi tjetër i Papës
do të jetë në Napoli e Pompei, të shtunën, më 21 mars, për një vizitë baritore. Më 29, e Diela e Larit dhe e Mundimeve të Zotit, në Sheshin e Shën Pjetrit, në
orën 09.30, do të bekohen palmat, do të kremtohet Procesioni dhe Mesha Shenjte, kryesuar
nga Papa. Triditshi i Pashkëve Ditët e para të muajit prill, kremtimet
papnore do të hyjnë menjëherë në zemër të Pashkëve. Kremtimi i parë, ai i 2 prillit,
i së Enjtes së Madhe. Papa do ta kremtojë Meshën e Bagmit në orën 09.30, në Bazilikën
e Vatikanit. Më 3 prill, e Premtja e Madhe, në Bazilikën e Vatikanit do
të kremtohen Mundimet e Krishtit, kryesuar nga Françesku, duke nisur nga ora 17.00.
Pastaj Papa do të shkojë në Koloseum ku, sipas traditës, do të kremtohet riti i Udhës
së Kryqit, duke nisur nga ora 21.15. Kremtimi do të transmetohet me mondovizion. Më
4 prill, e Shtuna e Madhe, në Bazilikën e Vatikanit do të kremtohet Nata e Pashkëve,
nga ora 20.30. Ndërsa më 5 prill, Ditën e Pashkëve, Papa do ta kremtojë Meshën në
Sheshin e Shën Pjetrit, duke nisur nga ora 10.15. Po më 5, në mesditë, nga Lozha
qëndrore e Bazilikës, do të japë bekimin “Urbi et Orbi”- “Romës e Botës”. Më 12
prill, e Diela II e Pashkëve, që njihet si e Mëshirës Hyjnore, Papa do të kremtojë,
në elterin e Bazilikës së Shën Pjetrit, Meshën Shenjte për besimtarët e ritit armen.