Святы Айцец: выкананне Божай волі робіць нас часткай сям’і Езуса
Трэба кожны дзень
маліцца і прасіць Бога аб ласцы зразумення Яго волі і выканання яе да канца, звярнуў
увагу папа Францішак 27 студзеня 2015 г. падчас ранішняй св. Імшы ў Ватыкане. Выкананне
волі Айце не было лёгкай справай нават для Езуса, нагадаў Пантыфік і прывёў прыклад
спакушэння ў пустыні. Гэта было нялёгка і для многіх вучняў, якія ў пэўны момант пакінулі
Хрыста, калі не зразумелі, што значыць “чыніць волю Айца”. Нялёгка гэта і для нас,
бо “кожны дзень прыносіць вельмі шмат варыянтаў на падносе”. Таму так патрэбна ласка
пазнання, зразумення і жадання выконваць Божую волю. Пантыфік заклікаў не шукаць кампрамісаў
у гэтым. “Маліцца аб жаданні прытрымлівацца Божай волі, маліцца, каб даведацца Божую
волю, і маліцца – калі яна будзе вядома – каб ісці за Божай воляй”, - заклікаў Францішак.
Выкананне Божай волі робіць нас часткай сям’і Езуса, падкрэсліў ён і зацытаваў фрагмент
Евангелля паводле св. Марка: “Бо хто будзе выконваць волю Божую, той Мне брат і сястра,
і маці” (3, 35).