Մամլոյ ասուլիս ներկայացնելու Ֆրանչիսկոս Պապին 2015-ի քառասնորդացի պատգամը` ''Արիացուցէք ձեր սրտերը'' (Յակոբոս 5,8)։

(Ռատիօ Վատիկան) Երեքշաբթի 27 յունուար 2015-ի առաւօտեան ժամը 11.30-ին, Սուրբ Աթոռի մամլոյ գրասենեակի Յովհաննէս Պօղոս Բ անուան սրահին մէջ, տեղի կ՛ունենայ մամլոյ Ասուլիս ներկայացնելու համար Ֆրանչիսկոս Պապին 2015 տարուայ քառասնորդացի պատգամը, որուն նիւթը քաղուած է Յակոբ առաքեալի թուղթէն` (գլ. 5, 8.) ''Արիացուցէք ձեր սրտերը''։
Մամլոյ ասուլիսին ելոյթ կ՛ունենան գերապայծառ Ճամբիէթրօ Տալ Թոզօ` Քոր Ունում - Մէկ Սիրտ Քահանայապետական բարեսիրական հաստատութեան խորհուրդի քարտուղար, գերապայծառ Սէկունտօ ԹԷյատօ Մունիոզ` վերոյիշեալ հաստատութեան խորհուրդի ենթաքարտուղար եւ Տոքթ. Միշել Ռոյ` Միջազգային Քարիթասի ընդհանուր քարտուղար։
Սրբազան Քահանայապետին պատգամը պիտի հրատարակուի 7 լեզուներով` Իտալերէն, Ֆրանսերէն, Անգլերէն, Գերմաներէն, Սպաներէն, Փորթուկալներէն եւ Լեհերէն։