Egjipt: koptët e vrarë e kishat e sulmuara gjatë çrregullimeve
Janë tre, të krishterët koptë, njëri nga të cilët fëmijë 10 vjeç, ndërmjet viktimave
të ndeshjeve, që shpërthyen në Kairo e në qytetet egjiptiane me rastin e katërvjetorit
të revoltës që, më 25 janar 2011, i dha fund regjimit të presidentit Hosni Mubarak.
Burime vendase, të shfrytëzuara nga agjencia Fides, shtojnë se, gjatë çrregullimeve,
u qëllua me armë zjarri kundër kishës së Shën Rafaelit Kryeengjëll, në zonën Maadi
të Kairos. Ndërsa në zona të tjera të qytetit, si ajo Ben Suef, forcat e sigurisë
mbyllën udhët rreth kishave, për të parandaluar sulme të mundshme nga ana e bandave
islamiste. Përgjegjësinë e kanë grupet lidhur me Vëllezërit Myslimanë Fëmija,
që mbeti i vrarë, i goditur nga një plumb qorr, quhej Mina Rafa. Bilanci zyrtar i
përhapur nga mediat egjiptiane, flet për 18 të vdekur e më se pesë të plagosur. Shumica
e ndeshjeve, konfirmon për agjencinë Fides, Anba Antonios Aziz Mina, ipeshkëv kopt
katolik i Guizeh, ishin ndërmjet policisë e grupeve të lidhura me Vëllezërit Myslimanë,
që synojnë të ndikojnë mbi opinionin publik, duke krijuar figurën e një Egjipti ende
të pastabilizuar.