India: raporti 2014 mbi persekutimet kundër të krishterëve
Gjatë vitit 2014 në Indi u mbytën 5 të krishterë, ndërmjet të cilëve një fëmijë, vetëm
nga urrejtja për fenë. Me ta, u kërcënuan, u rrahën e u plagosen më se 300 meshtarë,
Pastorë e liderë të bashkësive të krishtera. Ndërmjet viktimave të dhunës, edhe 2.000
gra e fëmijë të krishterë. Autorët janë grupe fanatike hinduiste. Dhamë vetëm disa
shifra, që mjaftojnë për të skicuar kuadrin e dhunës mbi të krishterët indianë gjatë
vitit 2014, pasqyruar në “2014Persecution Report”, botuar nga organizata “Forumi katolik
shekullar” (Csf), falë burimeve, dokumenteve e dëshmive, mbledhur nga rrjeti i organizatave
të krishtera indiane. Këto të dhëna janë vetëm të pjesshme. Sipas Raportit, paraqitur
në Bombei e rimarrë nga agjencia Fides, shteti indian më në rrezik është Chhattisgarh,
ndërsa në të gjithë Indinë vërtetohet së paku një aksident i kësaj natyre ditë për
ditë. Brenda vitit, 7 mijë raste, ndër të cilat, 1.600 gra, 500 fëmijë e pesë të vrarë Në
Indi vërehet rritja e vazhdueshme e fanatizmit hinduist, në bashkëpunim edhe me institucionet. Të
krishterët e vrarë Ndërmjet pesë të vdekurve, kujtohet një fëmijë 11 vjeç,
Govind Kuram Korram, rrëmbyer e lënë të vdesë nga uria prej të unxhit, që i kundërvihej
familjes së fëmijës, sepse e kthyer në krishterim. Një pastor u ther me thikë, një
laik u vra, sepse nuk pranoi të mohojë kristianizmin, duke u kthyer në hinduizëm,
ndërsa bashkëshortët Dominik (45 vjeç) e Kristina (35) Bhutia, të kthyer nga budizmi
në krishterim, u mbytën para syve të vajzës së tyre 12 vjeçare.