“Кожнае жыццё – гэта
дар”, - нагадаў папа Францішак у твіт-паведамленні з нагоды “Маршу за жыццё”, які
прайшоў 22 студзеня 2015 г. у Вашынгтоне. Сёлета тысячы яго ўдзельнікаў прайшлі вуліцамі
амерыканскай сталіцы, каб у чарговы раз звярнуць увагу на каштоўнасць чалавечага жыцця
і недапушчальнасць яго знічшэння праз аборты. Штогадовы “Марш за жыццё” арганізоўваецца
ў Злучаных Штатах ужо ў 42 раз. Традыцыйна ён праходзіць 22 студзеня, у гадавіну легалізацыі
абортаў Вярхоўным судом краіны ў 1973 г. Папярэднічае шэсцю малітоўнае чуванне, якое
на працягу апошніх некалькіх гадоў ахоплівае ўсе амерыканскія дыяцэзіі.
У
1984 г. Прэзідэнт ЗША Рональд Рэйган абвясціў 22 студзеня Днём святасці чалавечага
жыцця, заклікаючы амерыканцаў збірацца ва ўласных дамах і месцах культу, каб дзякаваць
за дар жыцця, пацвярджаць уласную адказнасць за годнасць кожнага чалавека і прызнаваць
святасць кожнага чалавечага жыцця.