Папа Францішак скіраваў
спецыяльную тэлеграму Прэзідэнту Італьянскай Рэспублікі Джорджа Напалітана, які 14
студзеня 2015 г. падаў у адстаўку з паста кіраўніка дзяржавы. Святы Айцец запэўніў
палітыка ў сваёй духоўнай блізкасці і павазе. “Жадаю выказаць пачуцці шчырай пашаны
і гарачага прызнання за Ваша шчодрае і ўзорнае служэнне італьянскаму народу, якое
было рэалізавана аўтарытэтна, з вернасцю і нястомнай самаадданасцю супольнаму дабру”,
напісаў Пантыфік. Паводле слоў Францішка, “светлае і мудрае” служэнне палітыка паспрыяла
ўмацаванню сярод насельніцтва Італіі ідэалаў салідарнасці, адзінства і згоды, асабліва
ў еўрапейскім і нацыянальным кантэксце, пазначаным немалымі цяжкасцямі.
89-гадовы
Джорджа Напалітана займаў прэзідэнцскае крэсла з 2006 г. Ён пагадзіўся пайсці на другі
7-гадовы тэрмін у кастрычніку 2013 г., калі ў краіне выбухнуў глыбокі палітычны крызіс.
Палітык ад самага пачатку не хаваў, што можа скласці паўнамоцтвы кіраўніка дзяржавы
дасрочна.
Джорджа Напалітана падтрымліваў добрыя адносіны з Бэнэдыктам XVI
і Францішкам. Ён неаднаразова наведваў Ватыкан і спрыяў развіццю дынамічных і глыбокіх
адносін паміж Італіяй і Апостальскай Сталіцай.