Ֆրանչիսկոս Քահանայապետի այցելութիւնը Սրի Լանքայի նախագահին։

(Ռատիօ Վատիկան) Երեքշաբթի 13 յունուարի յետմիջօրէի ժամը 5-ին (Հռոմի ժամը 12,30-ին) Ֆրանչիսկոս Քահանայապետը ուղղուեցաւ Սրի Լանքայի նախագահական պալատ պաշտօնական այցելութիւն տալու` Երկիրն նորընտիր նախագահին։
Նախագահական պալատի մուտքին Ֆրանչիսկոս Պապը դիմաւորուեցաւ Նախագահ Միթրիբալա Սիրիզէնայի կողմէ, ապա տեղի ունեցաւ երկու պետերու միջեւ առանձնական հանդիպում հուսկ նախագահի ընտանեկան պարագաներուն ներկայացումը եւ նուէրներու փոխանակումը։
Ապա նախագահական Պալատի պաշտօնական սրահին մէջ տեղի ունեցաւ պատկան իշխանութիւններու ներկայացում եւ Ֆրանչիսկոս Պապի առաքելական ճամբորդութեան առթիւ հրատարակուած դրոշմաթուղթերու ներկայացում։
Ստորգարելով Նախագահական պալատի հիւրերու ոսկեմատեանը ֆրանչիսկոս Քահանայապտը գրեց`
՝՝Բոլոր անոնց՝ որոնք կը ծառայեն Սրի Լանքայի սիրեցեալ ժողովուրդին, կը հայցեմ Աստուծային քաջութեան , իմաստութեան եւ կշռադատութեան պարգեւները՝՝։
Նախագահին հետ ունեցած հանդիպումէն ետք Ֆրանչիսսկոս Պապը ուղղուեցաւ ''Bandaranaike Memorial Intren. Conference Hall'', ուր նախատեսուած է միջ-կրօնական հանդիպում Սրի Լանքայի կրօնապետերուն հետ։
Յայտնենք որ Սրի Լանքայի բնակչութեան մեծամասնութիւնը` (70 առ հարիւրը), Պուտտայական կրօնի կը պատկանին, 12,6 առ հարիւրը Ինդու կրօնի, 9,7 առ հարիւրը մահմետական ու միայն 7,6 առ հարիւրը կաթողիկէ են։