E diel 11 janar, Kisha kremton solemnitetin e Pagëzimit të Zotit
tonë Jezu Krishtit. Pagëzimi i Krishtit është dëftimi i misionit të tij në botë.
Ati Qiellor shpall dashurinë e tij për Të. Shpirti i Shenjtë Zot e shndrit me dritën
e vet. Jezusi “i zhytur” në ujë nga shën Gjon Pagëzuesi, me vdekjen e ngjalljen e
tij, do të na “zhysë” edhe ne në jetën e amshuar. E prandaj Ungjilli i së diele na
thotë: Mbretëria Qiellore është afër, kthehuni e besoni në Fjalën e Zotit. Kështu
reflekton liturgjia e së dielës.
Gjithnjë më 11 janar, kalendari përkujton
edhe Shën Igjinin Papë, filozof, rregullues i hierarkisë kishtare.
Të hënën
më 12 janar, kalendari përkujton edhe shën Ernestin, Arkadin, martir e shën Çezirën,
qe lidhet ngushtë me të vëllain shën Çesarin, ipeshkëv.
Të martën më 13
janar, kalendari përkujton shën Hilarin, ipeshkëv i Puatjesë, që në vitin 353
u bë mbrojtës i flakët i Koncilit të Nikesë që luftoi herezinë ariane. Vepra e tij
më madhe mbetet “De Trinitate” – “Mbi Trininë Shenjte”, shën Gofredin e shën Remigjin.
Të mërkurën më 14 janar, kalendari përkujton shën Feliçin e Nolës,
ipeshkëv, martir e shën Malakinë, profet.
Të enjten më 15 janar, kalendari
kishtar përkujton edhe shën Palin, oshënarin e parë, shën Gjonin Kalibit, murg e shën
Maurin, abat.
Të premten më 16 janar, kalendari përkujton shën Marçelin
I, papë e martir, Shën Prishilën, matronë romake.
Të shtunën më 17 janar,
kalendari përkujton shën Andout, Abat e oshënar. Shën Antoni ishte pranë të gjithë
njerëzve që atij i drejtoheshin, çdo personi i jepte këshilla për t’u përsosur shpirtërisht,
e për të qenë përherë i bashkuar me Zotin. Ai ngushëllonte të mjerët, shëronte
të sëmurët, mësonte vëllezërit në fushën shpirtërore.
Të dielën e ardhshme
me 18 janar, Kisha do të kremtojë të dielën e Dytë gjatë vitit kishtar, e gjithnjë
më 18 janar, kalendari përkujton shën Priskës, themeluese e kishës romake me
të njëjtin emër në Aventin të Romës.
Liturgjia e kësaj së diele na flet për
fillimin e shenjave të bëra nga Jezusi, duke u nisur nga dasma e Kanës së Galilesë
me shenjën e parë, atë të shndërrimit të ujit në verë. Kjo shenjë e parë bërë nga
Krishti, vera, shpreh dashurinë besnike të Hyjit për njeriun, ndërsa uji, tregon njerëzimin
që kërkon shndërrimin e shpëtimin. Këtë të diele kremtohet Dita e lutjes për bashkimin
e të krishterëve.