Францішак сустрэўся з удзельнікамі канферэнцыі па Гаіці
10 студзеня 2015 г.
папа Францішак прыняў на аўдыенцыі ўдзельнікаў канферэнцыі прысвечанай 5-годдзю землятруса
на Гаіці, які ўнёс жыцці каля 230 тыс. чалавек і амаль 3 млн. людзей пакінуў без даху
на галавой. Аднадзённы форум, арганізаваны Папскай радай “Cor Unum” і Папскай камісіяй
па справах Лацінскай Амерыкі праходзіць у Ватыкане. Падчас яго абмяркоўваюцца пытанні
матэрыяльнага і духоўнага адраджэння Гаіці. “Шмат было зроблена за гэты перыяд, каб
аднавіць краіну!”, заўважыў Папа, але ў той жа час падкрэсліў, што працы засталося
нямала. Ён пажадаў, каб дзейнасць у дадзеным накірунку грунтававалася на трох стаўпах:
чалавечай асобе, касцёльнай еднасці і дзейнасці мясцовага Касцёла. Францішак перакананы,
што ў фундаменце адраджэння краіны павінна быць інтэгральнае бачанне чалавечай асобы.
“Нашым першым клопатам павінна быць дапамога чалавеку, кожнаму чалавеку, упоўні жыць
як асоба. Няма сапраўднага аднаўлення краіны без аднаўлення асобы ў яе поўні. Гэта
прадугледжвае намаганні, каб кожны чалавек на Гаіці меў усё неабходнае з матэрыяльнага
пункту гледжання, а ў той жа час мог карыстацца ўласнай свабодай, адказнасцю і жыць
духоўным і рэлігійным жыццём. Чалавечая асоба мае трасцэндэнты гарызонт, які ёй уласцівы,
і Касцёл першы, хто не можа гэтага хаваць”, сказаў Папа.
Паводле Святога Айца,
гуманітарная і душпастырская дзейнасць не павінны быць канкурэнтнымі, але ўзаемадапаўняльным
– “яны патрабуюць адна адну”: “разам дапамагаюць выхаванню на Гаіці сталых асобаў
і хрысціян, якія ў сваю чаргу могуць прысвяціць сябе дабру сваіх братоў”. “Няхай уся
дапамога прадстаўленая Касцёлам гэтай краіне, будзе накіравана на інтэгральнае дабро
асобы!”, - пажадаў Пантыфік.
У справе адбудовы краіны пасля землятрусу Францішак
адзначыў важнасць касцёльнага адзінства – супрацоўніцтва паміж рознымі касцёльнымі
структурамі. “Любоў з’яўляецца больш сапраўднай і моцнай калі перажываецца ў адзінстве.
Адзінства сведчыць, што любоў азначае не толькі дапамогу іншаму, але з’яўляецца вымярэннем,
якой прасяквае ўсё жыццё і разбурае ўсе бар’еры індывідуалізма, якія перашкаджаюць
сустрэчы. Любоў – гэта ўнутранае жыццё Касцёла і яна аб’яўляецца ў касцёльным адзінстве”,
падкрэсліў Святы Айцец.
Папа адзначыў таксама важнасць дзейнасці мясцовага
Касцёла, праз якую ўсе людзі маглі б “дакрануцца” да хрысціянскага досведу. У сваю
чаргу сведчанне евангельскай любові становіцца эфектыўным, калі падтрымліваецца асабістымі
адносінамі з Езусам ў малітве, слуханні Божага Слова і прыступанні да сакрамэнтаў.
Тут знаходзіцца “сіла” мясцовага Касцёла, заўважыў папа Францішак.