Святы Пасад ахвяраў значную суму на дапамогу ахвярам Эболы
Апостальская Сталіца
выказала глыбокую ўдзячнасць мясцовым Каталіцкім Касцёлам у Гвінеі, Ліберыі і Сьера-Леонэ
за своечасовы адказ на крызіс, выкліканы вірусам Эбола, а для ўмацавання іх намаганняў
у пераадоленні гэтай надзвычайнай сітуацыі аказала ім фінансавую дапамогу ў памеры
3 млн. еўра. Гэтыя сродкі прызначаны для структур, які падтрымлівае Касцёл, на паляпшэнне
ўзроўню паслугаў медыцынскіх установаў, на грамадскія ініцыятывы і душпастырскі клопат
аб хворых і медыцынскім персанале. Яны будуць выкарыстаны на набыццё лекаў першай
неабходнасці, транспартыроўку хворых і на абнаўленне структур, якія дзейнічаюць у
ахопленым эпідэміяй рэгіёне. Частка ахвяравання, будзе накіравана на развіццё і ўмацаванне
стратэгій па барацьбе з распаўсюджваннем віруса Эбола, а таксама для дапамогі сем’ям,
якія пацярпелі ад эпідэміі і дзецям сіротам. Апостальская Сталіца заклікае таксама
ўсіх дабрачынцаў, павялічыць ахвяраванні на знак салідарнасці з пакутуючымі ад вірусу
Эбола.