Papa Françesku pranë të sëmurëve nga ebola, i lumtur për shërimin mjekut
“Me lutje, jam gjithnjë pranë të sëmurëve nga Ebola e atyre, që i mjekojnë heroikisht
ditë për ditë”. Janë fjalët e Françeskut në një telefonatë me ministren italiane
të shëndetësisë, Beatriçe Lorenzin. Gjatë bisedës, Papa shprehu kënaqësinë për shërimin
e Fabrizio Pulvirentit, mjekut italian të prekur nga virusi, në Sierra Leone. Papa
u informua edhe për progresin e kërkimeve shkencore si dhe për ndërhyrjet në Afrikën
perëndimore. Më pas, përshëndeti mjekët dhe personelin shëndetësor për përkushtimin,
parë si mesazh shprese ndaj popullsive të prekura nga Ebola e edhe ndaj mbarë italianëve,
të cilët mund të gëzohen për ekzistencën e strukturave, që shquhen njëkohësisht për
epërsi, profesionalitet e humanitet.