Ֆրանչիսկոս Պապը յայտարարեց 20 Նոր կարդինալներու ստեղծումը­, որոնցմէ 15-ը Քահանայապետ ընտրող իրաւունքով կարդինալներ։

(Ռատիօ Վատիկան) Կիրակի 4 յունուար 2015-ին արտասանած Մարեմեան Աղօթքի աւարտին Նորին Սրբութիւնը յայտարարեց թէ յառաջիկայ 14 փետրուար 2015-ին պիտի ստեղծէ 14 երկիրներու պատկան, 15 նոր կարդինալներ, որոնք - ըսաւ Ան - կը յատկանշեն Հռոմի Եկեղեցւոյ հաղորդութիւնը տեղական եկեղեցիներուն հետ։ Սրբազան Հայրը ապա նշեց թէ 15 փետրուարին Սուրբ Պետրոսի մէջ նորանշանակ Կարդինալներու հետ միասին պիտի հանդիսապետէ սուրբ պատարագի արարողութիւնը եւ թէ 12 եւ 13 փետրուարին պիտի նախագահէ Կարդինալական վեհաժողովին քննարկելու համար Հռոմի Քուրիայի – Վատիկանի վերին իշխանութեան կառոյցներու, վերատեսութեան ծրագիրներն ու այս առընչութեամբ ներկայացուած առաջարկները։
Սրբազան Հայրը ապա յայտարարեց նոր կարդինալներու անունները որոնց շարքին է նաեւ Կառավարութիւններու հետ յարաբերութեանց երբեմնի քարտուղար` գերապայծառ Տոմինիք Մամպերթի որ վերջերս, Ֆրանչիսկոս Քահանայապետի կողմէ նշանակուեցաւ Առաքելական ատեանի կառավարիչ։
Սրբազան Հայրը հուսկ բոլորէն խնդրեց որ աղօթեն նորանշանակ կարդինալներուն համար, որպէսզի նորոգելով իրենց սէրը հանդէպ Քրիստոսին ըլլան Անոր աւետարանին վկաները համայն աշխարհին մէջ եւ իրենց հովուական փորձառութեամբ թիկունք կանգնին Քահանայապետին եւ օգնեն զինք իրեն յանձնուած առաքելական ծառայութեան մէջ։

Սուրբ Աթոռի մամլոյ գրասենեակի տնօրէն Հայր Ֆետերիքօ Լոմպարտին մեկնաբանելով նոր կարդինալներու ստեղծումը յայտնեց թէ քահանայապետ ընտրող նոր կարդինալներէն 5-ը եւրոպացի են, 3-ը Ասիայէն, 3 Լատին Ամերիկայէն, 2 Ափրիկէէն եւ 2-ը Ովկեանիայէն։ Նոր անուանուած կարդինալներէն ամենաերիտասարդը Թոնկայի թեմի արքեպիսկոպոսն է` գերապայծառ Մաֆի (1961-ի ծնունդ), մինչ ամենատարեցը Մանիզալէսի երբեմնի արքեպիսկոպոսն է` գերապայծառ Բիմիէնթօ Ռոտրիկէսը 1919-ծնունդ։


Ստորեւ կը ներկայացնենք Պապ ընտրող իրաւունքով նոր կարդինալներու անունները

1 – Mons. Dominique Mamberti, Arcivescovo titolare di Sagona, Prefetto del Supremo Tribunale della Segnatura Apostolica.
2 – Mons. Manuel José Macário do Nascimento Clemente, Patriarca di Lisboa (Portogallo).
3 – Mons. Berhaneyesus Demerew Souraphiel, C.M., Arcivescovo di Addis Abeba (Etiopia).
4 – Mons. John Atcherley Dew, Arcivescovo di Wellington (Nuova Zelanda).
5 – Mons. Edoardo Menichelli, Arcivescovo di Ancona-Osimo (Italia).
6 – Mons. Pierre Nguyên Văn Nhon, Arcivescovo di Hà Nôi (Viêt Nam).
7 – Mons. Alberto Suárez Inda, Arcivescovo di Morelia (Messico).
8 – Mons. Charles Maung Bo, S.D.B., Arcivescovo di Yangon (Myanmar).
9 – Mons. Francis Xavier Kriengsak Kovithavanij, Arcivescovo di Bangkok (Thailandia).
10 – Mons. Francesco Montenegro, Arcivescovo di Agrigento (Italia).
11 – Mons. Daniel Fernando Sturla Berhouet, S.D.B., Arcivescovo di Montevideo (Uruguay).
12 – Mons. Ricardo Blázquez Pérez, Arcivescovo di Valladolid (Spagna).
13 – Mons. José Luis Lacunza Maestrojuán, O.A.R., Vescovo di David (Panamá).
14 – Mons. Arlindo Gomes Furtado, Vescovo di Santiago de Cabo Verde (Arcipelago di Capo Verde).
15 – Mons. Soane Patita Paini Mafi, Vescovo di Tonga (Isole di Tonga).

Վսատակաւոր կարդինալներու անունները

1 – Mons. José de Jesús Pimiento Rodríguez, Arcivescovo emerito di Manizales.
2 – Mons. Luigi De Magistris, Arcivescovo titolare di Nova, Pro-Penitenziere Maggiore emerito.
3 – Mons. Karl-Joseph Rauber, Arcivescovo titolare di Giubalziana, Nunzio Apostolico.
4 – Mons. Luis Héctor Villalba, Arcivescovo emerito di Tucumán.
5 – Mons. Júlio Duarte Langa, Vescovo emerito di Xai-Xai.