Rikthehet në shtëpi, në fshatin e lindjes, atë Gjergj Fishta. Rikthehet bust, i realizuar
nga skulptori kosovar, Avni Behliu. Rikthehet, 74 vjet pasi ndërroi jetë, falë
bisnesmenit nga Kosova, Sabri Maxhuni, i cili i ka premtuar prej kohe Poetit Kombëtar
t’ia ndërtojë edhe shtëpinë. Ai e drejtuesit vendorë të institucioneve të trashëgimisë
kulturore në Lezhë, të pranishëm në përurimin e bustit, i kërkuan përsëri Ministrisë
së Kulturës t’i përshpejtojë procedurat për t’i hapur rrugën restaurimit të shtëpisë
së Atë Gjergjit. Para shtëpisë së vet, bust, Poeti shikon mendueshëm rrënojën,
në pritje që ministria t’ia rindërtojë e ta kthejë në shtëpi muze, falë bujarisë së
zotit Maxhuni.